Qindra protestues në Portland, Oregon, SHBA thyen xhamat dhe hodhën objekte ndaj policisë të premten mbrëma, ndërsa reagimi erdhi pasi Kyle Rittenhouse u liriua nga burgu i akuzuar për vrasjen e dy personave në një protestë kundër racizmit në Kenosha, Wisconsin, vitin e kaluar.
Sherifët në qytet deklaruan një trazirë në qendër të qytetit pas “sjelljes së dhunshme, shkatërruese nga një pjesë e konsiderueshme e turmës”, me raporte që disa folën për djegien e Qendrës së Drejtësisë .

Policia përdori altoparlantët për t’i kërkuar turmës që të shpërndahej ose të përballej me përdorimin e forcës.

https://youtu.be/J7BcDCQvvQA

 

Marshe proteste u mbajtën edhe në Çikago dhe Nju Jork. Me reagime të vërshuara nga të dyja anët e ndarjes politike, çështja Rittenhouse ka përçarë kombin, me shumë veta duke vënë në dukje mospërputhjen midis trajtimit të forcave të rendit ndaj mbështetësit të armatosur të milicisë së bardhë dhe protestuesve kundër racizmit.

Kyle Rittenhouse akuzohet për vrasjen e dy burrave dhe plagosjen e një tjetri gjatë protestave kundër racizmit në Kenosha, Wisconsin.
Rittenhouse është bërë një shkak i famshëm për shumë konservatorë, të cilët kanë mbledhur para për ekipin e tij ligjor. Ai kishte udhëtuar për në Kenosha nga Illinois mes trazirave në qytet pasi një oficer policie i bardhë qëlloi Jacob Blake , i cili është me ngjyrë , pas shpine.
Pas njoftimit se Rittenhouse ishte liruar nga të gjitha akuzat, politikanët dhe figurat publike ndanë pikëpamjet e tyre mbi vendimin përmes mediave sociale.Joe Biden, duke iu drejtuar gazetarëve të premten, tha se ai “i qëndron” vendimit të jurisë.
“Unë i qëndroj asaj që juria ka thene. Sistemi i jurisë funksionon” -tha Biden.

Në një deklaratë të mëvonshme, presidenti amerikan bëri thirrje për qetësi dhe tha: “Ndërsa verdikti në Kenosha do të lërë shumë amerikanë të ndihen të zemëruar dhe të shqetësuar, duke përfshirë edhe mua, ne duhet të pranojmë se juria ka folur. Kam bërë një premtim për të bashkuar amerikanët, sepse besoj se ajo që na bashkon është shumë më e madhe se ajo që na ndan.”

(BalkanWeb)