Pasi vajza ka hequr dorë nga mbiemri i tij, duke marrë atë të nënës së saj, vjen reagimi i parë nga piloti vrasës, Babis Anagnostopoulos. Ky i fundit vrau bashkëshorten Caroline Crouchs në sy të vajzës së tyre të vogël dhe e planifikoi atë si grabitje. Sipas TheNewspaper.gr, Babis Anagnostopoulos mësohet të ketë thënë: “Ne duam më të mirën për vajzën. Kam besim të plotë te gjyshja e saj”.
Familja e Caroline dëshiron që fëmija të shkëputet plotësisht nga babai i tij
Ndryshimi i mbiemrit të të miturës Lidia ishte akti përfundimtar në vendimin e gjyshes për ta shkëputur fëmijën nga familja atërore e Babis Anagnostopoulos dhe nga gjithçka që lidhej me vrasjen brutale të nënës së saj. Tashmë, prej më shumë se një viti, gjyshja e Lidias së vogël, e cila ka kujdestarinë e plotë, ka nisur nga Filipinet procedurat për ndryshimin e mbiemrit që mban tashmë vajza e saj Caroline. Autoritetet gjyqësore në Filipine, që zonja Susan Crouch i drejtoi fillimisht kërkesën, ia përcollën shkresën qeverisë greke dhe duke marrë parasysh vendimet e gjykatës, vazhduan me plotësimin e kërkesës.
Pas procedurave në Agia Paraskevi, u mira ndryshimi i mbiemrit për Lidian e vogël. Kështu, vajza e vogël tashmë do të mbajë mbiemrin Crouchs. “Procesi përfundoi dhe ajo mori mbiemrin Crouch. Bazuar në interesin e fëmijës, familja vendosi dhe filloi procesin e ndryshimit të mbiemrit në mënyrë që Lidia e vogël të mos mbajë më mbiemrin e një vrasësi të tmerrshëm i cili ka mbetur në kujtesën e të gjithëve”, tha avokati i familjes së Karolinës.
Sipas avokatit, gjyshja e Lidias së vogël nuk dëshiron që fëmija të ketë lidhje me Greqinë dhe në kuadër të këtij “izolimi” është edhe ndryshimi i mbiemrit. Asnjë komunikim midis Lidias dhe Babis Anagnostopoulos edhe mes prindërve të tij. Në shtator të vitit 2023, Gjykata e Apelit të Athinës dënoi Babis Anagnostopoulos me burgim të përjetshëm për vrasjen e gruas së tij Caroline Crouchs. Rreth dy vite më parë ai kishte tentuar të kontaktonte me fëmijën dhe familjen e Caroline, por pa rezultat dhe që nga ajo kohë nuk ka pasur asnjë komunikim me Lidian e vogël, po ashtu edhe prindërit e Babis Anagnostopoulos nuk kanë kontakte me vogëlushen.
(BalkanWeb)
