Miq dhe bashkëpunëtorë i kanë dhënë sot lamtumirën gazetarit dhe publicistit Artur Zheji, në homazhet e mbajtura në Universitetin e Arteve të Bukura.

Mes tyre, regjisori Kiço Londo ndau një mesazh të ndjerë, duke kujtuar figurën e mikut të tij:

“Vijmë nga i njëjti ajër, nga e njëjta krahinë, nga një gjak e nga i njëjti kurs në këtë shkollë të mrekullueshme. Sot është një ditë zie e thellë. Është një ditë ku të gjithë duhet të qajmë për dritën që humbëm, për mendimin e thellë që nuk do ta kemi më, për Arturin që jo vetëm trashëgonte një gjen gjeniu, por mbante edhe një damar të fortë gjeniu brenda vetes. Dritë e madhe që humbëm, por shpresa është që dita që Arturi po lë pas të na ndihmojë të bëhemi më të mirë,” u shpreh Londo.