Mijëra demonstrues të ekstremit të djathtë marshuan nëpër rrugët e Londrës të shtunën, duke shkaktuar përleshje të herëpashershme me policinë ndërsa mbajtën demonstrata përballë kundërprotestuesve antiracizëm.

Njëzet e gjashtë oficerë u lënduan në qendër të Londrës gjatë sigurisë të një marshimi të organizuar nga aktivisti i ekstremit të djathtë Tommy Robinson, në të cilin morën pjesë deri në 150,000 persona në tubimin e tij “Unite the Kingdom”.

Tensionet u rritën mes disa grupeve dhe oficerëve, ku u hodhën edhe shishe dhe sende të tjera, tha Policia Metropolitane – duke shtuar se katër oficerë u lënduan seriozisht.

Miliarderi i teknologjisë Elon Musk ishte një nga ata që foli me protestuesit në Uhitehall; ndërsa 5,000 njerëz iu bashkuan një kundërproteste të afërt të organizuar nga Stand Up To Racism.

Policia Metropolitane tha se 25 persona u arrestuan për një gamë të gjerë shkeljesh në atë që një oficer i lartë e përshkroi si dhunë “krejtësisht të papranueshme”.

Komisioneri Ndihmës Matt Tuist tha se oficerët kishin “siguruar pa frikë apo favor”, duke e ditur se do të ishte sfiduese. “Nuk ka dyshim që shumë njerëz erdhën për të ushtruar të drejtën e tyre të ligjshme për të protestuar, por kishte shumë që erdhën me qëllim dhunën,” tha ai.

“Ata përballuan oficerët, duke u angazhuar në keqtrajtim fizik dhe verbal dhe duke bërë përpjekje të vendosura për të thyer kordonet që ishin vendosur për të mbajtur të gjithë të sigurt.” Tuist tha se oficerët kishin dhëmbë të thyer, goditje në kokë, lëndime në kokë dhe disa hundë të thyer.

“25 arrestimet që kemi bërë deri tani janë vetëm fillimi,” shtoi ai, ndërsa Met premtoi të identifikojë ata që morën pjesë në trazira. Sekretarja e Brendshme Shabana Mahmood dënoi “ata që sulmuan dhe lënduan oficerët e policisë”. “Kushdo që merr pjesë në aktivitete kriminale do të përballet me gjithë forcën e ligjit,” shtoi ajo.