Policia greke ka nisur hetimet për një rast dhunimi dhe kërcënimesh të vazhdueshme, pas denoncimit të një shtetaseje shqiptare.

Mediat greke raportojnë se bëhet fjalë për një 34-vjeçare, e cila ka denoncuar ish-partnerin e saj 44-vjeçar, dhe ky shqiptar, se e ka goditur me armë dhe e ka kërcënuar se do i publikonte disa foto të saj nudo.

Sipas kallëzimit, i cili është dorëzuar të shtunën, pasditen e së premtes ish-partneri i është afruar me makinën e tij 34-vjeçares, teksa ajo po ecte me miqtë e saj dhe ka nxjerrë armën, ndërsa e ka kërcënuar. 44-vjeçari u arrestua po atë ditë, ndërsa dorëzoi dhe armën me të cilën kishte kërcënuar ish-partneren.

Autori i dyshuar ka mohuar akuzat e ngritura ndaj tij nga 34-vjeçarja dhe ka bërë padi ndaj saj për kallëzim të rremë. Mirëpo, ndaj tij është ngritur shkresa për shkelje të ligjit për armët, kanosje dhe pornografi hakmarrëse.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb