ILD ka propozuar shkarkimin nga detyra të gjyqtares Evgeni Sinoimeri.

Sipas ILD, gjyqtarja Evgeni Sinoimeri nuk paraqitet prej një viti në detyrë.

Emri i gjyqtares Sinoimeri është përmendur edhe në dosje të bujshme në vend.

Evjeni Sinoimeri, si anëtare e Kolegjit Penal të Gjykatës së Lartë votoi kundër mbylljes së dosjes të Fatmir Mediut për çështjen “Gërdeci”, së bashku me gjyqtaren Evelina Qirjako.

Dy ish-anëtaret e Gjykatës së Lartë kanë mbështetur arsyetimin e prokurorisë se rizgjedhja e Mediut deputet nuk zhvlerëson autorizimin e Kuvendit për ta ndjekur penalisht.

Sipas tyre “vijimësia e efekteve kushtetuese dhe juridiko-penale të autorizimit të dhënë njëherë nga Kuvendi është rrjedhoje e vijimësisë së veprimtarisë së këtij organi kushtetues pavarësisht ndarjes në legjislatura dhe ndryshimeve që ndodhin në përbërjen nominale të tij, për shkak të zgjedhjeve të reja”.

(Balkanweb)