Kryetari i Grupit Parlamentar të Partisë Socialiste, njëherësh dhe Kryetar i Grupit të Miqësisë Shqipëri-Gjermani, Taulant Balla ka falenderuar Qeverinë gjermane dhe GIZ Albania për projektet e shumta që ka financuar në Shqipëri.
Përmes një postimi në rrjetin social facebook Balla deklaron se falë bashkëpunimit të shkëlqyer u arrit të ndërtojet në Cërrik një impiant të kompostimit të mbetjeve organike.
Falë këtij projekti mbetjet transformohen në pleh organik, e plehu u shitet fermerëve ose përdoret për hapësirat e gjelbra të Bashkisë Cërrik.
Sipas Ballës falë këtij projekti janë punësuar afro dhjetë profesionistë të trajnuar nga ekspertët e GIZ/DKTI dhe mbështeten nga 85 punëtorë sezonalë që angazhohen në grumbullim, pastrim dhe në trajtimin e mbetjeve.
Postimi i plotë i Taulant Ballës:
Mirënjohje Qeverisë gjermane dhe GIZ Albania për projektet e shumta që kemi arritur të çojmë përpara. Falë këtij bashkëpunimi arritëm të ndërtojmë në Cërrik një impiant të kompostimit të mbetjeve organike ♻️ Mbetjet transformohen në pleh organik, e plehu u shitet fermerëve ose përdoret për hapësirat e gjelbra të Bashkisë Cërrik.
Aty janë punësuar afro dhjetë profesionistë të trajnuar nga ekspertët e GIZ/DKTI dhe mbështeten nga 85 punëtorë sezonalë që angazhohen në grumbullim, pastrim dhe në trajtimin e mbetjeve.