FIER- Flamuri shqiptar ka shkaktuar incident në ndeshjen Apolonia-Tirana në Fier për Kategorinë Superiore. Një nga tifozët ka hyrë në fushë dhe ka hapur flamurin kuq e zi në zonën e penalltisë. Menjëherë pas këtij veprimi është revoltuar portieri serb i Apolonisë Cakovic i cili i ka rrëmbyer flamurin tifozit dhe e ka hequr nga fusha e blertë.
Incidenti ndodhi në minutën e 23-të të ndeshjes dhe shkaktoi irritim të tifozëve që ndodheshin në stadium. Këta të fundit lëshuan thirrje për të larguar portierin e Apolonisë nga fusha. Menjëherë pas këtij veprimi trajneri Mergjyshi largoi nga fusha portierin Cakovic, ndërkohë tifozi që futi flamurin në fushë u shoqërua në polici.
Formacionet
Apolonia: Cakoviç, Broshka,Nako, Kaja, Dimo, Hysenshahaj, Adenkule, Fili, Ribaj, Uzuni, Rajkoviç
Tirana: ED.Bakaj, Muça, Taku, Pashaj, Ristevski, Bulku, Karabeci, Muzaka, Kahata, Morina, Bushiç
Delegat: Uvil Zajmi
Vëzhgues: Astrit Mema
Gjygjtar: Enea Jorgji
(a.n/BalkanWeb)
