Pesëmbëdhjetë persona u plagosën, dy prej të cilëve u desh të dërgoheshin në spital, kur një teleferik i San Franciskos frenoi papritur, për një arsye të panjohur.
Pasagjerët në teleferikë nuk vendosin rripa sigurimi dhe shpesh varen nga vagonët, të cilët janë pjesërisht të hapur. Teleferikët janë një atraksion i madh turistik në qytet, duke funksionuar në 3 linja dhe në funksion që nga vitet 1870, dhe u bënë të famshëm nëpërmjet një kënge nga Tony Bennett.
Në vitet 1960 ato u shpallën Monument Historik Kombëtar. Autoriteti i Transportit Bashkiak i San Franciskos (SFMTA), i cili operon teleferikët, njoftoi se po heton në mënyrë aktive rastin.
“Siguria e pasagjerëve në të gjitha automjetet Muni mbetet përparësia jonë kryesore. Ne do të kryejmë një shqyrtim të plotë të detajeve të incidentit për të siguruar sigurinë e vazhdueshme në teleferikë”, tha SFMTA në një deklaratë.
San Francisco fire department is on the scene at 1351 California St. between Leavenworth and Hyde with 14 patients who have been injured from a cable car that came to an abrupt stop. Avoid the area of California between Hyde and Leavenworth. There will be an ongoing… pic.twitter.com/AXsBxMn5DE
— SAN FRANCISCO FIRE DEPARTMENT MEDIA (@SFFDPIO) December 15, 2025
