FILIPINE

Presidenti i Filipineve Rodrigo Duterte është penguar disa herë gjatë një fjalimi që ka mbajtur të mërkurën. Një insekt po rrinte në krahun e tij të majtë, në kohën që kreu i shtetit prezantonte kandidatët nga partia e tij.

Një ndihmëse u mundua që ta heqë insektin që “ecte” në këmishën e tij, por nuk ia doli me sukses, shkruajnë mediat e huaja. Insekti vijoi që të bëjë “rrugën” që kishte. Duterte më pas e largoi insektin vetë dhe e shkeli me këmbë dhe tha me shaka: “Është dërguar nga Partia Liberale”.

“Është liberal, është e sigurt”, tha Duterte, ndërsa salla po qeshte. Presidenti filipinez Rodrigo Duterte shpesh herë ka qenë në vëmendje të mediave globale, për shkak të deklaratave dhe gjesteve të tij.