Beppe Marotta nuk ka asnjë dyshim, është i qartë se ku duhet të përqendrohet Inter nga këtu e deri në fund të sezonit. Zikaltërit po kalojnë një moment të vështirë teksa në 6 ndeshjet e fundit kanë marrë vetëm 6 pikë:

“Ky moment jo nuk duhet të kushtëzojë objektivat tanë që mbeten fitimi i titullit kampion në Serie A dhe Kupa e Italisë”, u shpreh administratori i deleguar i Inter i cili më pas u pyet në lidhje me Lukakun.

Marotta nuk preferoi ti përgjigjej kësaj pyetje, duke i bërë “bisht”, ndërsa kur u pyet mbi afrimin e tij më të rëndësishëm në karrierë kishte një emër të veçantë, Andrea Pirlo, jo vetëm një nivel futbollistik por dhe si lidership, Pirlo për të nuk ka të krahasuar.
(BalkanWeb)