Ish-deputeti i Partisë Socialiste Alket Hyseni ka takuar ish-Sekretaren e Departamentit të Shtetit të SHBA, Hillary Clinton në Konferencën e Sofjes të organizuar nga Fondacioni Clinton Global Initiative.

Hyseni shkroi në rrjetet sociale se i shprehu mirënjohjen dhe respektin e shqiptarëve për kontributin e tyre historik dhe veçanërisht Presidentit Bill Clinton për lirinë e Kosovës dhe prosperitetin e Shqipërisë dhe rajonit të Ballkanit.

“Me ftesë të Fondacionit Clinton Global Initiative, në Konferencën e Sofjes, pata nderin të takohem me Sekretarin e 67-të të Departamentit të Shtetit të Amerikës.. Shpreha mirënjohjen dhe respektin tim të përjetshëm të shqiptarëve për kontributin e tyre historik dhe veçanërisht Presidentit Bill Clinton për lirinë e Kosovës dhe prosperitetin e Shqipërisë dhe rajonit të Ballkanit”, shkroi ai në Facebook.