Ish-presidenti brazilian Jair Bolsonaro është shtruar në spital. Sipas mediave ndërkombëtare, Bolsonaro i është nënshtruar një operacioni për hernie. Operacioni u krye në spitalin DF Star dhe theksohet se ka përfunduar me sukses dhe pa ndërlikime.

Bolsonaro është përballur me probleme serioze shëndetësore që nga viti 2018, kur u godit me thikë në bark gjatë fushatës së tij zgjedhore, gjë që çoi në një sërë ndërhyrjesh kirurgjikale.

Ai u diagnostikua gjithashtu së fundmi me kancer të lëkurës. Ndërhyrja kirurgjikale specifike përfshinte riparimin e një hernie inguinale. Siç u tha nga mjeku Claudio Birolini, kjo ishte një “ndërhyrje kirurgjikale komplekse, por e planifikuar”.

Mjekët njoftojnë se shtrimi i tij në spital do të zgjasë edhe pesë deri në shtatë ditë të tjera.