Teherani i ka dorëzuar ndërmjetësve pakistanezë një “propozim të ri negociues” të drejtuar Shteteve të Bashkuara, në kuadër të përpjekjeve për një marrëveshje të mundshme që synon t’i japë fund konfliktit të vazhdueshëm në Lindjen e Mesme.

Lajmi raportohet nga media iraniane agjencia iraniane e lajmeve IRNA.

Dokumenti është dorëzuar mbrëmjen e djeshme, por deri tani nuk është bërë publike asnjë detaj mbi përmbajtjen e tij. Mediat iraniane konfirmojnë vetëm se “Teherani ka paraqitur një propozim të ri për negociata”, pa dhënë informacion shtesë mbi kushtet apo kërkesat e përfshira.

Roli i Pakistanit si ndërmjetës në këtë proces mbetet gjithashtu i paqartë, ndërsa nuk ka ende një reagim zyrtar nga Uashingtoni lidhur me zhvillimin e fundit diplomatik.