Ushtria izraelite ka deklaruar se sulmoi një kompleks në Teheranin lindor ku ndodhen selitë e Trupave të Gardës Revolucionare Islamike, Forca elitare Quds, drejtoria e inteligjencës, forca paraushtarake Basij, njësia kibernetike e Iranit dhe një “njësi në Sigurinë e Brendshme përgjegjëse për shtypjen e protestave”.

Më shumë se 250 bomba u hodhën nga mbi 100 avionë luftarakë në sulmin “në shkallë të gjerë”, sipas një zyrtari ushtarak izraelit i cili foli në kushte anonimiteti sepse nuk ishte i autorizuar të fliste publikisht.

Sulmet e Izraelit dhe Shteteve të Bashkuara kundër Iranit nisën ditën e shtunë, ndërsa si pasojë u vra Lideri Suprem i Iranit, Ajatollah Ali Khamenei.

Prej goditjeve fillestare, Irani është përgjigjur duke lëshuar raketa drejt bazave amerikane në rajon, ndërsa ka sulmuar edhe Izraelin.