Egnatia është gati për eksperiencën e parë historike në grupet e Europës. Më 15 tetor është rezervuar sfida e raundit të parë të Ligës së Konferencës. Një takim që do të nisë në orën 18:45 në stadiumin “Air Albania”.
Egnatia është e penalizuar me “telashin” që të ketë vetëm 21 lojtarë në dispozicion dhe jo 25 në Europë, pasi nuk ka futbollistë të trajnuar në klub për një periudhë 3-vjeçare nga mosha 15 deri në 21 vjeç.
“Panorama Sport” iu sjell sërish listën e konfirmuar nga UEFA me 21 lojtarë, që do të jenë në dispozicionin e trajnerit Nevil Dede gjatë Ligës së Konferencës. Mungesat janë Ledio Beqja, Deivid Hoxha, Bjorni Duka, Reis Bakalli dhe Zyber Çullhaj. Pikërisht këto pesë futbollistë nuk do të kenë mundësinë që të luajnë gjatë fazës së ligës.
Më së shumti bie në sy mungesa e Ledio Beqjas, i cili ka pasur probleme edhe me dëmtimet që prej transferimit. Kujtojmë se kampionët e morën me bujë nga ETO Gior në Hungari, teksa Beqja në edicionin e kaluar ishte pjesë e Dinamos në huazim.
Të tjerë që nuk do të jenë në dispozicionin e trajnerit Dede janë lojtarët e datëlindjes 2007, të cilët përdoren në Shqipëri për rregullin e veçantë. Konkretisht Deivid Hoxha dhe Bjorni Duka që u transferuan në merkaton e verës. Po ashtu Reis Bakalli dhe Zyber Çullhaj.
Portierë: Levani Tandilashvili, Bruno Puja, Mario Dajsinani
Mbrojtës: Zamig Aliyev, Alessandro Kacbufi, Edison Ndreca, Guillem Jaime, Numan Ajeti, Elion Sota, Andrey Yago, Eneo Bitri, Geralb Smajli
Mesfushorë: Albano Aleksi, Fernando Medeiros, Ibrahim Diabate, Altin Kryeziu, Karim Loukili
Sulmues: Daniel Adjessa, Alessandro Albanese, Ildi Gruda, Jurguens Montenegro
Trajner: Nevil Dede
Mungesat: Ledio Beqja, Sumaila Bakajoko(i dëmtuar rëndë), Deivid Hoxha, Bjorni Duka, Reis Bakalli, Zyber Çullhaj
KALENDARI I EGNATIAS
15 tetor 2026, Egnatia vs Midtjylland (ora 18:45)
22 tetor 2026, Aarhus vs Egnatia (ora 21:00)
5 nëntor 2026, Universitatea Craiova vs Egnatia (ora 21:00)
26 nëntor 2026, Egnatia vs Lincoln Red Imps (ora 18:45)
10 dhjetor 2026, Egnatia vs Kauno Zalgiris (ora 21:00)
17 dhjetor 2026, Braga vs Egnatia (ora 21:00)
