Një debat i fortë ka nisur mes dy banorëve të Big Brother VIP Kosova, Stresit dhe Artanit.

Dyshja gjatë diskutimeve kanë përfshirë edhe qëndrimet e tyre për LGBT ndaj të cilëve reperi doli kundër edhe një herë.

Artani tha se e ka analizuar Stresin që nga fillimi dhe e dinë kur ai luan dhe si viktimizohet ndërsa e quajti edhe dinak.

Kjo bërë që Stresi të revoltohej dhe të shpërthente gjatë debatit duke përfshirë edhe disa diskutime të tjera që kanë ndodhur javë më parë.

“Ky është mendimi i Artanit, unë mendoj që ai është më dinak se unë se më paska studiuar se kemi folur për burrëri e këto gjëra, do të shohim se kush është më dinak dhe kush është më realisti, më dinak nuk kam parë ende, prandaj nuk të kam sulmuar kurrë se kam pritur që të më sulmosh”, tha Stresi.

“Ti ke dhënë respekt për komunitetin LGBT, atë që ka marrë plisin e shqiponjën e Zotin gay, çfarë patrioti je ti, mos u shitë patriot në Big Brother para kamerave, jepeni kur duhet me e dhënë, përderisa nuk e njeh republika e Kosovës dhe Shqipërisë as unë nuk e njoh, Arkimed Lushaj nuk ka do ta respektoj sot e 1000 vjet”, u shpreh tutje reperi nga Shqipëria.

Në anën tjetër Artani tha se Stresit nuk i takon të ndërhyrë në çështjet e LGBT-së dhe se ai i respekton zgjedhjet e secilit.

“Ti po na fyen inteligjencën, po zbulohesh dalë nga dalë, nëse kam qenë pasive në debate nuk do të thotë se kam qenë pasiv në mendime, nuk ka të bëjë me patriotizëm, duhet të kesh respekt për njerëzit, është zgjedhja e secilit njeri se çfarë dëshiron të përfaqësoj, është jeta e tyre”, u shpreh Artani.

Tutje, Stresi e quajti Artanin të pabesë dhe se loja mes tyre tani e tutje do të vazhdoj në të njëjtën mënyrë.

“Artani nuk e dinë se sa e kam shëtitur botën unë me pasaportë diplomatike, unë ky jam, publiku e dinë kush jam pak a shumë, unë e mora mesazhin tënd sonte, nuk e kam pritur është gabimi imi, a je i pabesë, unë mendojë që je i pabesë, në të gjitha aspektet se nuk e kisha pritur këtë”, tha reperi.