Në Angli, emri i Armando Brojës vijon të qarkullojë fuqishëm në tregun e transferimeve, kjo për vet faktin se klubi i Chelsea-t e ka nxjerrë në shitje sulmuesin kuqezi. Një ditë më parë, mediat angleze shkruanin se për Brojën interesohet ekipi i West Ham, por “çekanët” më sa duket nuk janë ekipi i vetëm që kërkon shërbimet e Brojës.
![Broja](https://www.balkanweb.com/wp-content/uploads/2024/04/broja.jpg)
Gjithnjë sipas mediave angleze, në garë për Brojën pritet të futet edhe Crystal Palace. Drejtuesit e klubit anglez janë të gatshëm të investojnë 20 milionë euro për Brojën, por kjo është një ofertë shumë larg asaj që pretendojnë londinezët.
![Broja](https://www.balkanweb.com/wp-content/uploads/2024/01/broja-4.jpg)
Gjatë janarit, Chelsea kërkoi 50 milionë euro për të hequr dorë nga kartoni i Brojës, detaj që nuk bëri të mundur largimin e sulmuesit me titull definitiv.
(BalkanWeb)