Me tensione ka nisur seanca plenare e ditës së sotme, ku kreu i PD Sali Berisha ka akuzuar mazhorancën se ka manipuluar votat e shqiptarëve mendihmën e parave të krimit dhe karteleve të drogës.
Në përfundim të kohës që ishte vënë në dispozicion, kryetarja e Kuvendit Elisa Spiropali i bëri me dije kryedemokratit se koha e tij kishte përfunduar tashmë dhe duhet të ndërpriste fjalën.
Pas pyetjes së Berishës se cila kohë, Spiropali tha se koha e tij ka perënduar tashmë.
Pjesë nga diskutimi Berisha- Spiropali:
Berisha: Për të blerë votat me drogë, kreu juaj firmosi mbledhje e 8 mijë hektarë kanabis në mbarë vendin. Ju mblidheni sot këtu në një kohë kur votën e parë të diasporës, të diasporës shqiptare e manipuluat në mënyrën më të egër kur 1.6 mln shqiptareve iu shkelmuat votën, por bota e krimit. S’mund të ishit ndryshe ju. Përfaqësues të klaneve më të egra të botës, nuk mund të ishit ndryshe. Këta mund të ishit. Më e ndershme që në Kuvend të ulej Xhevdet Troplini, Altin Hajrim, Elvis Doçi, Suel Cela, Pëllumb Gjoka, Arben Qimja. U përdorin juve si lecka politike në funksion të perandorive të krimit.
Spiropali: Koha mbaroi
Berisha: Cila kohë
Spiropali: Koha juaj, ka perënduar!
(BalkanWeb)
