Kampionati Kombëtar i futbollit për vajza U-16 ka ngritur siparin e edicionit të dytë dhe ka zhvilluar tashmë dy javët e para në të dyja grupet përkatëse, ndërsa ka nisur që prej të mërkurës të luhet edhe java e tretë.

Pogradeci – Skënderbeu ishte takimi hapës i kësaj jave, një derbi juglindor që ishte mjaft i luftuar nga të dyja skuadrat. Sfida u mbyll me fitoren e ekipit të Pogradecit me rezultatin minimal 1-0, teksa me tre ndeshje të zhvilluara, pogradecaret renditen tashmë në vendin e dytë me gjashtë pikë, ndërsa Skënderbeu në vendin e pestë me 1 pikë.

Sakaq, ditën e enjte u luajtën dhe tre ndeshje të tjera. Në grupin B, Vlora priti në shtëpi ekipin e Bylisit dhe arriti ta mundë me rezultatin 6-1, me vajzat vlonjate që u rikthyen te fitorja pas barazimit në javën e dytë. Ndërkaq, në grupin A, Kinostudio u përball me AFF Elbasanin, një ndeshje shumë e luftuar nga të dyja ekipet dhe shumë emocionuese, e cila përfundoi në barazim 4-4. Egnatia, ekipi i ri i sapo krijuar, luajti ndaj Tiranës në shtëpi, ndeshje e cila përfundoi me rezultatin 7-1 në favor të vajzave bardheblu.

Ditën e sotme u zhvillua derbi myzeqar, me Lushnjen që priti në shtëpi ekipin e Apolonisë, me fieraket që u treguan më konkrete dhe siguruan fitoren me rezultatin 3 me 0. Apolonia pas tre javëve të para renditet në krye të klasifikimit me pikë të plota, ndërsa Lushnja ka marrë vetëm një fitore.

Ndeshjet e javës së tretë në kampionatin e vajzave U-16, grupi A:

Kinostudio – AFF Elbasani 4-4

 

Egnatia -Tirana  1-7

 

Renditja

 

Vllaznia 6 pikë *

 

Tirana 6 pikë

 

Kinostudio 4 pikë

 

AFF Elbasani 4 pikë

 

KF Teuta 0 pikë *

 

KF Egnatia 0 pikë **

 

(Shënim * : Një ndeshje më pak)

 

Ndeshjet e javës së 3-të në kampionatin e vajzave U-16, grupi B:

 

Pogradeci 1-0 Skënderbeu

 

FC Vlora 6–1 Bylis

 

Lushnja 0–3 Apolonia

 

Renditja

 

Apolonia 9 pikë

 

FC Vlora 7 pikë

 

Pogradeci 6 pikë

 

Lushnja 3 pikë

 

Skënderbeu 1 pikë

 

Bylis 0 pikë