KOSOVË- Sekretari amerikan i Shtetit, John Kerry, ka uruar Kosovën për formimin e qeverisë së re.
Në një deklaratë të lëshuar nga Departamenti Amerikan i Shtetit, thuhet se “ky koalicion qeveritar do të demonstrojë vitalitetin e Kosovës demokratike dhe institucioneve të saj politike”.
“Përshëndesim Presidenten Jahjaga për lidershipin që ka treguar që të sigurojë që ky tranzicion të jetë në përputhje me ligjet dhe Kushtetutën e Kosovës”, thuhet ndër të tjera në deklaratë.
“Ne presim që qeveria të punojë në mënyrë gjithëpërfshirëse me të gjitha komunitetet, dhe me seriozitet ta adresojë çështjen e korrupsionit”, thuhet në letrën e Kerryt.
(d.d/BalkanWeb)