Këshilli i Mandateve anuloi sot mbledhjen në lidhje me kërkesën e SPAK për arrestimin e socialistit Alqi Bllako. Lidhur me këtë ka reaguar edhe nënkryetarja e Partisë Demokratike Jorida Tabaku.
Tabaku shprehet se kjo është një formë e avokatisë politike që po i ofrohet aferës 430 mln euro të inceneratorëve.
“Refuzimi për të mbledhur këshillin e mandateve nga ana e Kuvendit të Shqipërisë është një formë e avokatisë politike që po i ofrohet aferës 430 mln euro të inceneratorëve. Fatkeqësisht partizanllëku politik është kthyer në armë kundër institucionit të parlamentit. Detyra e qytetarëve është të kuptojnë sa më mirë se si është e vërteta për vjedhjen e shekullit me vlerë 430 mln euro. Përgjegjësia nuk ëahtë vetëm e Bllakos por ajo nis tek kryebashkiaku Fierit Subashi dhe vazhdon me Ahmetaj, Agaçin dhe Ramën”, shkruan Tabaku.
(BalkanWeb)
