Koreja e Veriut i ka dërguar mbi 12 milionë predha artilerie 152 mm Rusisë për t’i përdorur në Ukrainë, sipas një raporti nga inteligjenca ushtarake e Koresë së Jugut.
Shifra u publikua nga agjencia e lajmeve të Koresë së Jugut, Yonhap, duke cituar një raport nga agjencia e mbrojtjes e Seulit të paraqitur një politikani nga partia kryesore e opozitës.
Raporti vjen një ditë pasi Kim Jong Un u zotua të mbështesë “pa kushte” luftën në shkallë të plotë të Rusisë kundër Ukrainës në një takim me ministrin e jashtëm rus Sergei Lavrov.
Pheniani ka dërguar tashmë rreth 10,000 ushtarë në Rusi për t’i përdorur në luftën e saj me Ukrainën.
© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
