Dhjetra krokodilët që u arratisën javën e kaluar nga një fermë mbarështuese në Kinë, duke përfituar nga përmbytjet, janë kthyer të gjithë në robëri, njoftuan sot media shtetërore.
Më shumë se 70 krokodilë ishin arratisur nga një fermë pranë qytetit Maoming në provincën Guangdong të Kinës jugore, duke përfituar nga përmbytjet e shkaktuara nga një liqen i tejmbushur pas një tajfuni.
Autoritetet lokale kishin nisur një gjueti të madhe për t’i kapur ata dhe transmetuesi shtetëror CCTV tregoi imazhe të punonjësve të shpëtimit në pusetat duke nxjerrë një krokodil nga uji me një litar.
Be cautious of crocodiles! The local emergency department of Maoming, in South China's Guangdong, warned on Mon after around 70 crocodiles escaped from flooded pools on a farm. Many cities in Guangdong have experienced torrential rains since Thurs due to #TyphoonHaikui. pic.twitter.com/iL7f9h8YRz
— Global Times (@globaltimesnews) September 11, 2023
“Të gjithë krokodilët siamezë që kishin shpëtuar u kapën, i fundit u hodh në breg natën e 18 shtatorit”, njoftoi sot gazeta zyrtare e Pekinit.
The search is on for 70 runaway crocodiles after heavy flooding in southern China pic.twitter.com/HYzcdY5eLH
— Reuters (@Reuters) September 15, 2023
Në Kinë, krokodilët kultivohen për lëkurën e tyre si dhe për mishin e tyre, i cili ndonjëherë përdoret në mjekësinë tradicionale.
Përveç “fermës më të madhe të krokodilëve” në vend, zona e goditur nga përmbytjet është gjithashtu shtëpia e një parku tematik me krokodilat, tha transmetuesi shtetëror CNR.
