Pavarësisht grevës se njoftuar nga shoqata e kamionistëve të Maqedonisë së Veriut për pezullimin e qarkullimit të mallrave në disa vende të Ballkanit Perëndimor dhe BE,  në doganën e Qafëthanës, ka pasur hyrje te pakta nga Maqedonia e Veriut të kamionëve  dhe mjeteve të tjera të transportit të mallrave.

Kamionët kanë kryer veprimet në të dyja doganat dhe më pas i janë nënshtruar kontrollit në skaner.

Kamionistët nga Maqedonia e Veriut thonë se greva lidhet me ditët e qëndrimit në vendet e BE dhe sipas njoftimit , ditët e qëndrimit të tyre do të numërohen.

Kjo sjell pasoja pasi koha e qëndrimit të tyre në vendet e BE është e kufizuar. Ministria e Transporteve e Maqedonisë sipas tyre, e ka mbështetur grevën e tyre dhe pritet një reagim nga vendet e BE.