Një 30-vjeçar u arrestua nga policia e Beratit pasi forcat “Shqiponja i gjetën në automjet dhe më pas edhe në banesë, drogë dhe para false.

“Specialistët e Seksionit për Hetimin e Narkotikëve arrestuan në flagrancë shtetasin A. D., 30 vjeç, banues në Berat, pasi shërbimet e Forcës së Posaçme “Shqiponja” gjetën gjatë kontrolleve në automjetin që drejtonte dhe në banesën e tij, sasi Kokaine dhe Cannabisi, 1 mjet prerës (thikë) dhe 2 kartëmonedha të dyshuara false. Sendet e kundërligjshme u sekuestruan me cilësinë e provës materiale.

Materialet procedurale iu referuan Prokurorisë së Beratit, për veprime të mëtejshme”, njofton policia.