OKB ka njoftuar vdekjen e dy paqeruajtësve të tjerë indonezianë në Libanin jugor. Nëpërmjet një reagimi në rrjete sociale, OKB shkruan: “Dy paqeruajtës të UNIFIL u vranë tragjikisht në jug të Libanit sot, kur një shpërthim shkatërroi automjetin e tyre pranë Bani Hayyan. Një paqeruajtës i tretë u plagos rëndë, dhe një i katërt u lëndua gjithashtu”.

Vrasjet e tyre vijnë pas vdekjes së një tjetër paqeruajtësi indonezian në jug të Libanit, një ditë më parë.

Gjatë fundjavës, kryeministri izraelit, Benjamin Netanyahu, tha se ushtria e vendit të tij do të zgjerojë pushtimin e saj në Liban, duke zgjeruar “rripin ekzistues të sigurisë” në jug të vendit.