Ylber Ramadani ka firmosur me skuadrën e Aberdeen në Skoci. Klubi i njohur ka zyrtarizuar lajmin me anë të një postimi në rrjetet sociale, teksa mesfushori kuqezi ka nënshkruar një kontratë që do e mbajë të lidhur me klubin të paktën për 3 vite. 26 vjeçari vjen pas një sezoni në OPT Bank Liga në Hungari, me ekipin e MTK Budapest. Në të kaluarën ka luajtur disa edicione me radhë për danezët e Vejle.
“Mesfushori ka nënshkruar kontratë 3 vjeçare, mirësevjen Ramadani” – shkruan mes të tjerash klubi i Aberdeen. Ndërsa trajneri i kësaj skuadre ka folur për faqen e klubit: “Ai ka inteligjencë dhe është i aftë të luajë në disa pozicione në mesfushë. Ai është një lojtar që luan për skuadrën dhe jep shembullin për të tjerët”.
It’s official!
Our first signing of the summer – Albanian international Ylber Ramadani.
Welcome to Aberdeen, Ylber!#StandFree
— Aberdeen FC (@AberdeenFC) June 8, 2022
(BalkanWeb)