Kosova shkëlqeu  në Qipro, duke e nisur me këmbën e mbarë Nations League. “Dardanët” fituan 0-2, me golat e Berishës dhe Zhegrovës. Pas sfidës për intervistat rutinë u ndalën trajneri i Përfaqësueses kosovare, Alain Giresse dhe protagonist Edon Zhegrova.

“Një ndeshje shumë e komplikuar, sidomos gjatë pjesës së parë. Orientimi i lojës tonë nuk ishte i mirë, bëmë disa gabime teknike. Në pjesën e dytë tentuam të fokusoheshim në principet tona për të ndryshuar lojën dhe të bëjmë atë që jemi të aftë të bëjmë.Nuk e kam pëlqyer pjesën e parë të lojës. E dimë pse, duhet të mbështetemi në lojën e pjesës së dytë.Rezultat i mirë, na dhuron vetëbesim. Duhet të përgatitemi maksimalisht për ndeshjen e radhës, ndaj Greqisë” – tha trajneri Alain Giresse.

Edon Zhegrova u shpreh: “Besoj se ishte shumë me rëndësi që ta nisnim me fitore, pasi ishte ndeshja e parë e edicionit. Më pas sigurisht që gëzohem edhe më shumë kur ndihmoj skuadrën me gola apo me asiste”.

 

(BalkanWeb)