Politologu Albinot Maloku në një intervistë në “News24”, foli për zhvillimet politike në Kosovë dhe procesin e votimeve.
I ndalur te zgjedhjet, Albinot Maloku tha se janë shumë rëndësishme, pasi qytetarët e Kosovës u përballën me një kriza institucionale prej muajsh.
Gjatë kësaj interviste ai tha se Lëvizja Vetëvendosje nuk pati guximin të ecë përpara.
Pjesëmarrja e qytetarëve ka peshën e vet. Thelbësor tani do të jetë rezultati i subjekteve të politike dhe pozicioni për të parë se si do të vijojë. Të mos përsëritet ajo që përjetojë qytetari I republikës së Kosovës, si pasojë e një egocentrizmi të tmerrshëm. Mendoj që rezultati është prioritar sa i përket rëndësisë së peshës së zgjedhjeve. Në kushte normale, në traditën tonë politike subjekti I parë që ka dalë pas zgjedhjeve, ka pasur një përqasje shumë më të maturuar, por 9 shkurti nuk e nxori këtë. Dhe u krijua kjo distanca mes të tjerëve, flasim për ish-opozitës, dhe mungoi koalicioni me LVV që ishte e domosdoshme dhe kjo krijoi krizën institucionale. Pasojat e këtyre veprimeve ende do të vrehen. Dhe jam i mendimit që VV nuk pati kurajën për të ecur përpara. Shkurti I vitit 2025 nxori atë që ‘nuk kishin racionalitetin’ që i duhej Kosovës. Kjo nuk u arrit dhe ja ku jemi sot, në këtë situatë”, tha ai.
Më tej politologu Maloku tha se figura politike e Albin Kurtit në momente të ndryshme ka përfaqësuar shumëçka.
“Në shpjegimet krejtësisht politologjike, figura e tij politike ka pjesën e vet që I duhet njohur merita për situate të ndryshme. Por në gjendjen aktuale një figurë e tillë politikë nuk po arrin të shtyjë përpara, pozicionin e Republikës së Kosovës. Figura politike, ndërtimi I tij politik konsideroj që nuk është duke i ofruar Kosovës atë që do të duhej. Por për rrethanat në të cilat ndodhet Republike e Kosovës, është ndër të vetmet figura që ka ndryshuar shumë… “BE ka pasur raport dyfytyrësie në momente të caktuara. SHBA-të kanë pasur një trajektore, një qëndrim. Ka pasur situata ku e kemi ndjerë vetën nën presion. Por kjo sjellja e BE ka qenë një prej mozaikut të faktorëve të ndryshimeve në 2021. Për veprime të caktuara sic ishte tentimi për të mbajtur zgjedhjet e Serbisë në Kosovë…Sot sërish nuk shohim BE që të reagojë, ne kemi marrë masa në pjesën veriore të vendit. Janë vendosur masa që I kushtuan Kosovës, si në aspektin ekonomik”, tha ai.
