Futbollisti kosovar, Valdrin Mustafa është shprehur tejet i pakënaqur me trajnerin e Shqipërisë U21, Alban Bushi. Shqipëria U21 luajti dy ndeshje të rëndësishme gjatë këtij muaji. Më 23 mars u përball me Sllovakinë U21 në shtëpi dhe humbi me rezultat 2-3 dhe më 27 mars si mysafirë i Sllovakisë, ku u mposht 4 me 1.
Në dy ndeshjet, trajneri Bushi nuk e futi në lojë sulmuesin e klubit gjerman, Kaiserslautern, Valdrin Mustafa. Mustafa u kthye në Gjermani i pakënaqur me trajnerin, i cili nuk e aktivizoi fare në këto ndeshje.
“U ktheva në Gjermani pa luajtur fare. Nuk jam i lumtur, por kjo do të më ndihmojë shumë për ta zënë vendin në formacion. Për të luajtur e kam zgjedhur Shqipërinë, shpresoj që Bushi (trajneri) do të më japë hapësirë në të ardhmen”, ka thënë Mustafa për IndeksOnline.
Kujtojmë që në vitin e kaluar, Mustafa nënshkroi një kontratë profesionale me klubin gjerman,Kaiserslautern.
(i.ç/BalkanWeb)
