Ushtria ruse po vazhdon të bombardojë infrastrukturën energjetike të Ukrainës, duke bërë që miliona banorë të të mbesin pa energji elektrike, ujë të pijshëm e ngrohje.

Duke marrë parasysh se temperaturat kanë rënë nën zero, miliona ukrainasve po u rrezikohet jeta nga i ftohti dhe mungesa e rrymës, teksa liderët ukrainas kanë bërë vazhdimisht thirrje për mbrojtjen e kësaj infrastrukture nga sulmet e Moskës.

Autoritetet kanë bërë po ashtu thirrje për kursim të energjisë, kurse shumë vende të botës janë shprehur të gatshme që ta ndihmojnë në tejkalimin e krizës energjetike, ndër to edhe Gjermania e cila i ka dhuruar Ukrainës 470 gjeneratorë me vlerë 19.5 milionë euro.

Sipas ambasadës gjermane në Kiev, 150 prej tyre tashmë i janë dorëzuar kompanisë ukrainase Ukrenergo, e tjerët që do të shpërndahen në Odesa, Mykolaiv dhe rajonin e Khersonit.