Kroacia do të marrë tetë helikopterë Blackhawk si rezultat i një marrëveshjeje të nënshkruar me SHBA-në, mes përpjekjeve të vendeve të Ballkanit për të forcuar ushtritë e tyre, konfirmoi media shtetërore.

Kroacia, një anëtare e NATO-s që nga viti 2009, i ka dhënë Ukrainës një pjesë të arsenalit të saj, duke përfshirë helikopterët e kohës sovjetike.

Ministri kroat i Mbrojtjes Ivan Anusic tha: “Ky është një moment i madh dhe i rëndësishëm për forcat e armatosura dhe për të gjithë Kroacinë , si dhe një konfirmim i partneritetit dhe bashkëpunimit të shkëlqyer me Shtetet e Bashkuara.”

Megjithatë, tetë helikopterët Blackhawks do të dorëzohen në vitin 2028.