Monika Kryemadhi ka pranuar masën e sigurisë “detyrim paraqitje” dhe është tërhequr nga kërkesa për shfuqizimin e saj.
Ajo po hetohet për tre vepra penale: pastrim parash, korrupsion dhe mosdeklarim pasurish, në lidhje me çështjen CEZ-DIA dhe lobimin e LSI në SHBA. Ish-presidenti Ilir Meta po qëndron në burg për shkak të akuzave të ngjashme.
NJOFTIM NGA GJJKO PËR MEDIAT
- Kërkuesi Monika Kryemadhi me datë 02.04.2025 ka paraqitur pranë Gjykatës kërkesën me objekt: “Revokim i masës së sigurimit”.
- Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Çela, bazuar në nenet 112, 260 dhe 246/6 të K.Pr.Penale, me vendimin Nr. 195, datë 07.04.2025, vendosi:
- Mospranimin e kërkesës së kërkueses Monika Kryemadhi.
- Kundër këtij vendimi mund të bëhet ankim në Gjykatën e Posaçme të Apelit për Korrupsionin dhe Krimin e Organizuar, brënda 5 (pesë) ditëve, afat i cili fillon nga dita e njoftimit të vendimit të gjykatës.
Tiranë, më datë 07.04.2025
Gjykata e Posaçme e Shkallës së Parë për Korrupsionin dhe Krimin e Organizuar
© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
