Kryeministri britanik Keir Starmer bëri thirrje të martën që të respektohet një armëpushim midis Iranit dhe Izraelit .
“Armëpushimi midis Iranit dhe Izraelit duhet të respektohet. Ky është një mundësi për të siguruar stabilitetin e shumëpritur në Lindjen e Mesme”, tha ai në X.
Starmer nënvizoi qëndrimin e kahershëm të Mbretërisë së Bashkuar se Irani nuk duhet të pajiset kurrë me armë bërthamore “dhe tani duhet të kthehet në tryezën e bisedimeve dhe të punojë drejt një zgjidhjeje të qëndrueshme”.
Duke refuzuar thirrjet ndërkombëtare për armëpushim, Izraeli ka ndërmarrë një ofensivë brutale kundër Rripit të Gazës që nga tetori i vitit 2023, duke vrarë më shumë se 55,700 palestinezë, shumica prej tyre gra dhe fëmijë.
Në nëntorin e kaluar, Gjykata Ndërkombëtare Penale lëshoi urdhër-arreste për kryeministrin izraelit Benjamin Netanyahu dhe ish-ministrin e tij të Mbrojtjes Yoav Gallant për krime lufte dhe krime kundër njerëzimit në Gaza.
Izraeli përballet gjithashtu me një padi për gjenocid në Gjykatën Ndërkombëtare të Drejtësisë për luftën e tij në enklavë.
