Kryeministri britanik Keir Starmer ka deklaruar se është “i gatshëm ” të vendosë trupat e Mbretërisë së Bashkuar në terren në Ukrainë për të ndihmuar në garantimin e sigurisë së saj si pjesë e një marrëveshjeje paqeje.

Ai tha se sigurimi i një paqeje të qëndrueshme në Ukrainë ishte thelbësore nëse duan ta pengojmë Putinin nga agresioni i mëtejshëm në të ardhmen.

Përpara se të merrte pjesë në një samit urgjent me liderët evropianë në Paris të hënën, Sir Keir theksoi se Mbretëria e Bashkuar ishte e përgatitur të kontribuonte në garancitë e sigurisë për Ukrainën duke “vendosur trupat tona në terren nëse është e nevojshme”.

“Nuk e them lehtë këtë. Ndjej shumë thellësisht përgjegjësinë që vjen me vënien e mundshme të ushtarakëve dhe grave britanike në rrezik”. tha ai

Trupat e Mbretërisë së Bashkuar mund të vendosen së bashku me ushtarë nga vendet e tjera evropiane përgjatë kufirit midis territorit të mbajtur nga ukrainas dhe territorit të mbajtur nga Rusia.

Njoftimi i Sir Keir vjen pasi ish-kreu i ushtrisë, Lord Dannatt,  tha se ushtria e Mbretërisë së Bashkuar ishte “aq e shkatërruar” sa nuk mund të drejtonte as një mision paqeruajtës në Ukrainë.

Kryeministri më parë ka lënë të kuptohet vetëm se trupat britanike mund të përfshihen në mbrojtjen e Ukrainës pas një armëpushimi.

Ai do të vizitojë Presidentin Donald Trump në Uashington këtë muaj dhe sipas tij   garancia e sigurisë së SHBA-së është thelbësore për një paqe të qëndrueshme, sepse vetëm ajo mund ta pengojë Putinin të sulmojë përsëri.

Sir Keir po takohet me liderë të tjerë evropianë në përgjigje të shqetësimeve se SHBA po ecën përpara me Rusinë në bisedimet e paqes që do të bllokojnë kontinentin.

(BalkanWeb)