Kryeministri i Hungarisë vlerësoi të mërkurën Presidentin turk Rexhep Tajip Erdogan për bisedimet e paqes Rusi-Ukrainë të javës së kaluar në Stamboll, të parat në më shumë se tre vjet.

Në një fjalim në Budapest në një takim joformal të Organizatës së Shteteve Turke, Viktor Orban tha se ishin përpjekjet personale të Erdoganit që i bënë të mundura bisedimet historike.

Orban falënderoi gjithashtu Erdoganin për ndihmën në realizimin e tubacionit të gazit natyror TurkStream, i cili i siguron Hungarisë gaz natyror në një kohë kur shumica e vendeve evropiane po përballen me një krizë energjetike.

Kryeministri falënderoi gjithashtu Presidentin e Azerbajxhanit, Ilham Aliyev, për eksportimin e gazit natyror në vendin e tij nëpërmjet TurkStream.

 

(A.A/BalkanWeb)