Teleshikuesit të cilët po ndjekin lojërat olimpike Rio 2016 janë habitur nga njollat dhe shenjat e skuqura që shumë sportiste, kryesisht amerikane kishin në trupat e tyre. Shumë komentues mendonin se ata kishin pësuar djegie, pa e ditur se ata i ishin nënshtruar terapisë me gota, një teknikë mjaft e njohur edhe ne Shqipëri, e cila perdoret kryesisht kur një person vuan nga ftohjet.

Kjo teknike që sipas mediave ndërkombetare daton prej 2000 vjetesh ne Azi apo Lindjen e Mesme është një mënyrë e shkëlqyer jo vetëm për ftohje sic përdoret në Shqipëri, por edhe për të shplodhur muskujt.
Kampioni amerikan i notit, Michael Phelps është një prej atyre i cili teksa garonte shfaqej me njolla të kuqe në trup. Teknika përdor gota të vogla qelqi apo plastikë si pajisje të thithjes që vendosen në lëkurë. Një metodë përfshin fërkimin e alkoolit në fund të gotës pastaj ndriçimin e saj dhe vënien e gotës menjëherë në lëkurë.

Thithja gjithashtu mund të krijohet duke vendosur një filxhan përmbysur mbi një flakë të vogël mbi një material izolues për të mbrojtur lëkurën pastaj ndriçimin e pambukut dhe vendosjen e një filxhani të zbrazët mbi flakë për të shuajtur atë. Gjimnasti amerikan Alex Naddour kishte shenja te dukshme të fryra mbi supet e tij gjatë kualifikimeve për kaluç në Rio de Janeiro natën e së shtunës.
“Ky ka qenë një sekret që unë kam ruajtur prej kohesh dhe që më mban më të shëndetshëm, ” tha Naddour, i cili këmbënguli se teknika funksionon më mirë se masazhet apo shiringat me kortizon për të lehtësuar dhimbjet dhe stresin.

Por sportistët amerikanë të Rio 2016 nuk janë të vetmit që e përdorin këtë teknike. Nju Jork Daily News shkruan se edhe aktoret Gwyneth Paltroë apo Jennifer Aniston e përdorin këtë lloj terapie me shume se relaksuese.

(d.b/BalkanWeb)