Real Madrid është ndalur në shtëpi 1-1 nga Girona, në sfidën e La Ligas të luajtur këtë pasdite.

Një goditje e bukur e Rodrygos mund të përfundonte në rrjetë në minutën e 25-të, por Girona ruajti portën e paprekur, pasi ishte vërtetë me fat.

Në fundi ne 45 minutave, befasia mund të vinte nga miqtë, Herrera kalon edhe portierin, por nuk dërgoi dot topin në rrjetë.

Kampionët e Spanjës vuajtën shumë dhe arritën të thyenin murin e Gironës vetëm në minutën e 70-të me Vinicius. Sulmuesi nuk fali para porte, pas një assisti të Valverdes.

Los Blancos shkaktojnë penallti dhe Stuanos tregohet i saktë nga pika e bardhë, duke vendosur ekuilibrat në 1-1.

Ekipi i Ancelottit u hodh i gjithi në sulm për të gjetur golin e fitores, por nuk e gjetën dot, edhe pse u akordua një shtesë e konsiderueshme prej 9 minutash dhe u lejua të luhej edhe më tutje.

(BalkanWeb)

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb