MALESI E MADHE
Një aksident me pasojë vdekjen e një 49- vjecareje ka ndodhur në Malësinë e Madhe. Gazetari Senad Nikshiqi raporton për ‘BalkanWeb’ se një automjet i drejtuar nga Besnik Jubani ka përplasur për vdekje Albana Çulajn në fshatin Pjetroshan.
Aksidenti sipas Policisë ka ndodhur rreth orës 18:25 dhe drejtuesi i automjetit Besnik Jubani me banim në Shkodër është shoqëruar në Drejtorinë Vendore të Policisë Shkodër.
NJOFTIMI I POLICISË
Malësi e Madhe/Informacion paraprak
Më datë 16.02.2020, rreth orës 18:25, në fshatin Pjetroshan, Malësi e Madhe mjeti me drejtues shtetasin B. J. 51 vjeç, banues në Shkodër, ka aksidentuar shtetasen A. Ç. 49 vjeçe, banuese në Koplik, ku si pasojë ka ndërruar jetë
Drejtuesi i mjetit është shoqëruar ne ambientet e D. V. P. Shkodër për veprime të mëtejshme.
Grupi hetimor vijon punën për sqarimin e rrethanave të aksidentit
(BalkanWeb)
