Një incident është regjistruar këtë të shtunë në aksin rrugor Lezhë-Milot, pranë fshatit Gajush, ku një i ri nuk i është bindur urdhrit të policisë për të ndaluar mjetin që drejtonte.

Sipas informacioneve paraprake, efektivët e policisë kanë ndërhyrë duke qëlluar në drejtim të automjetit.

Fatmirësisht nuk raportohet për persona të lënduar si pasojë e incidentit. Policia ka arritur të neutralizojë dhe ndalojë të riun, i cili është shoqëruar në komisariat për të dhënë sqarime mbi ngjarjen.

Menjëherë pas ngjarjes, kanë nisur hetimet për të zbardhur rrethanat dhe shkaqet që çuan në përshkallëzimin e situatës.

Në pamjet e siguruara nga News24, shihet po kryhet kqyrja e automjetit tip “Benz”.

Grupi hetimor po punon për të zbuluar nëse kemi të bëjmë me ndonjë veprim të paligjshëm dhe për të verifikuar të kaluarën e drejtuesit të mjetit.