Ka përfunduar pas rreth 5 orësh, mbledhja e Kryesisë së PD e cila u mblodh me urgjencë, pas vendimit të marrë nga Gjykata Kushtetuese, për rikthimin në detyrë të zv/kryeministres Belinda Balluku.
Mbledhja e Kryesisë së PD, u shoqërua me tensione mes anëtarit të Kryesisë Ervin Salianji dhe kreut të PD, Sali Berisha dhe Sekretarit të Përgjithshëm, Flamur Noka.
Pas përfundimit të mbledhjes, në një prononcim për mediat, Salianji u shpeh i keqardhur që mbledhja e Kryesisë e zhvendosi fokusin nga protesta.
“4 orë “protestë” ndaj demokratëve të pakënaqur, ndërsa për Ballukun vetëm gjysmë ore”, tha Salianji duke iu referuar foltoreve të opozitës para Kryeministrisë ku mbahen fjalimet çdo të hënë.
“Kishte mendime të ndryshme”, tha Salianji teksa u ndal te debatet në Kryesinë e sotme.
“Do ecim përpara, çdo ndryshim nuk vjen pa sakrifica. Çdo akuze do t’i përgjigjemi me fakte konkrete dhe me emra konkretë. Vendimmarrja e PD e cila ishte e paqartë në mjaft situata e bën përgjegjës Flamur Nokën. Kur u zgjodh Bamir Topi president, në momentin që 6 deputetë të PS votuan, pati dorëheqje të menjëhershme. Nuk mund të rrimë peng i interesave”, tha Salianji.
Ervin Salianji: Jam i keqardhur që mbledhja e Kryesisë e zhvendosi fokusin nga protesta. Kishte mendime të ndryshme. Do eci përpara, çdo ndryshim nuk vjen pa sakrifica. Çdo akuze do t’i përgjigjemi me fakte konkrete dhe me emra konkretë. Vendimmarrja e PD e cila ishte e paqartë në mjaft situata e bën përgjegjës Flamur Nokën. Kur u zgjodh Bamir Topi president, në momentin që 6 deputetë të PS votuan, pati dorëheqje të menjëhershme. Nuk mund të rrimë peng i interesave… Po bëj përgjegjës drejtuesit e PD për paqartësinë në vendimmarrje të caktuara.
