Rreth 1600 lëkundje janë regjistruar në zonën përreth kryeqytetit të Islandës Reykjavik, duke sinjalizuar se një shpërthim vullkanik mund të jetë i afërt, tha të mërkurën zyra meteorologjike e vendit.

Zyra Meteorologjike Islandeze (IMO) vuri në dukje se tërmetet filluan rreth pasdites së të martës nën malin Fagradalsfjall, i cili qëndron në majë të një sistemi vullkanik dhe ku kanë ndodhur dy shpërthime në dy vitet e fundit.

“Afërsisht 1600 tërmete janë matur dhe tërmetet më të mëdha janë ndjerë në zonën e kryeqytetit”, tha agjencia në një deklaratë, duke shtuar se aktivitet sizmik i vazhdueshëm mund të pritet gjatë ditës.