Leverkusen nuk “vdes” kurrë, sërish në shtesë, sërish në frymën e fundit, realizojnë një gol përballë Dortmund duke ruajtur statusin e tyre si të pathyeshëm. Kjo ishte një sfidë që në letër nuk kishte asnjë vlerë për “aspirinat”, në një kohë kur titull u mbyll matematikisht një javë më parë, por ekipi i Alonsos nuk bën asnjë kompromis, vijon sezonin e tyre perfekt. Ky është viti ideal për të synuar “tripletën” e famshme, për ta bërë edhe më të paharruar këtë sezon ëndrrash.

Nëse për Leverkusen nuk kishte asnjë vlerë, për Dortmund kjo ishte një ndeshje jetike pasi verdhezinjtë ndodhen ende jashtë zonës Champions, për momentin, pas javës së 30-të, e shohin vetën në vendin e pestë në kuotën e 57 pikëve, dy më pak se Leipzig. Dy ekipet dhuruar një ndeshje të luftuar për çdo top, më në fund pas disa tentativave, Dortmund kaloi në avantazh në minutën e 81-të, me Fullkrug që me një goditje fluturimthi në zonë dërgoi topin në rrjetë. Leverkusen nuk u dorëzua deri në fund, dhe në minutën e 97-të, gjatë zhvillimeve të një goditje këndi, Stanisic me një goditje me kokë dërgoi topin në rrjetë duke barazuar shifrat në 1-1. Një gol që mban të gjallë rekordin e tyre me 45 ndeshje pa pësuar humbje.

(BalkanWeb)