Duket se liria për Sokol Sinomatin jashtë hekurave të qelisë ka zgjatur shumë pak! Ky i fundit ndihet ndryshe me nofkën ‘Buzëderri’, në botën e errët të krimit.
Teksa dje doli nga burgu pasi ishte një nga personat që përfitoi nga amnistia penale, Sinomati është arrestuar. Këtë herë Sinomati ka rënë në pranga për llogari të Italisë.
Babai i të riut Gëzim Sinimati, i cili u ekzekutua me snajper në janar në Vlorë, atentat akoma i pazbardhur, është arrestuar pasi rezulton i dënuar me 12 vjet burg për trafik droge.
Në lidhje me arrestimin e Sinomatajt, ka reaguar edhe policia. Efektivët shprehen se Sinomataj është prangosur, pasi kërkohet nga Italia, ku është dënuar me mbi 12 vite burg.
Njoftimi:
Drejtoria Vendore e Policisë Vlorë:
-Ekzekutoi vendimin penal për shtetasin Sokol Sinomataj, 46 vjeç, të cilin Gjykata e Milanos, Itali, e ka dënuar me 12 vjet, 5 muaj e 26 ditë burgim, për veprat penale “Organizata kriminale” dhe “Trafik ilegal i emigrantëve”.
(BalkanWeb)
