Irani po ngjit afishe me fytyrën e kryeministrit spanjoll Pedro Sánchez në raketat e lëshuara drejt Izraelit.
Afishet përmbajnë tekstet në anglisht dhe persisht: “Faleminderit, Z. Kryeministër” dhe “Sigurisht, kjo luftë nuk është vetëm e paligjshme, por edhe çnjerëzore”. Sánchez kishte deklaruar të enjten në Bruksel, përpara Samitit të Liderëve Evropianë, se Spanja e dënon luftën dhe e konsideron të paligjshme.

Spanja i ka ndaluar SHBA-së përdorimin e bazave ushtarake për sulme kundër Iranit, ndërsa presidenti amerikan ka kërcënuar me ndërprerjen e marrëdhënieve tregtare mes dy vendeve.

Nga ana tjetër, Ministria e Jashtme izraelite kritikoi Sánchez, duke thënë: “Si ndihet kur e di se fytyra dhe fjalët tuaja janë mbi raketat që Irani po lëshon kundër civilëve në Izrael dhe botën arabe?” Ministria shtoi në një postim në “X”: “Pedro Sánchez – Regjimi i mullahëve të Iranit ju falënderon, duke shkruar fjalët tuaja në raketat kundër civilëve në Izrael dhe botën arabe.”

Mesazhet synojnë të theksojnë reagimin iranian ndaj kritikave të Spanjës dhe të dërgojnë një mesazh propagandistik drejt Perëndimit dhe rajonit.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb