Irani ka modifikuar dronët e sulmit që i ka ofruar Rusisë në mënyrë që kokat shpërthyese të shkaktojnë dëme maksimale ndaj Ukrainës.
Irani i ka dhënë Rusisë qindra dronë për t’i përdorur në luftën e saj në Ukrainë, shumë prej të cilëve kanë shënjestruar rrjetin elektrik dhe objektet energjetike. Sulmet me dron, si dhe breshëritë nga raketat ruse, kanë lënë civilët ukrainas në të gjithë vendin pa ngrohje, energji elektrike ose ujë të rrjedhshëm gjatë muajve të ftohtë të dimrit.
Cnn raporton se një kokë e pashpërthyer nga një dron iranian Shahed-131 i gjetur në rajonin jugor të Ukrainës, Odesa në tetor 2022, u ekzaminua muajin e kaluar nga organizata hetimore me bazë në Mbretërinë e Bashkuar, Conflict Armament Research, së bashku me ushtrinë ukrainase.
Përbërja e kokës shpjegon se si sulmi i Rusisë në infrastrukturën energjetike të Ukrainës gjatë muajve të fundit është dëshmuar kaq efektiv.
Dronët e prodhuar nga Irani që janë vendosur në Ukrainë janë zbuluar se përmbajnë një sasi të konsiderueshme të komponentëve të SHBA-së dhe Perëndimit, duke bërë që administrata Biden të hetojë se si teknologjia e prodhuar nga Amerika po përfundon në armë.
(BalkanWeb)
