Presidenti francez, Emmanuel Macron, ka urdhëruar dërgimin e aeroplanmbajtëses Charles de Gaulle në Mesdhe.

Macron e tha këtë në një fjalim drejtuar popullit në sfondin e përkeqësimit të situatës në Lindjen e Mesme.

“Franca nuk mund të justifikojë veprimet e Shteteve të Bashkuara dhe Izraelit kundër Iranit, të cilat janë shkelje e së drejtës ndërkombëtare”, vuri në dukje Macron.

Macron theksoi se konflikti, i cili filloi me sulme ndaj Iranit, tani po përhapet në të gjithë rajonin, duke kërcënuar paqen dhe sigurinë.

Anija ndodhej në Detin Baltik për ushtrime të NATO-s. Macron shtoi se Franca do të dërgojë sisteme raketash dhe anti-dronë, si dhe fregatën Languedoc, në bregdetin e Qipros për të forcuar mbrojtjen e ishullit.

“Po punojmë për krijimin e një koalicioni që do të bashkojë potencialin e nevojshëm ushtarak për të rivendosur lirinë e lundrimit në Ngushticën e Hormuzit”, theksoi Macron.