Madonna ka dalë nga spitali dhe tani është në shtëpi pasi ishte në ICU për shkak të një infeksioni të rëndë bakterial.
Sipas një raporti të BBC, gjendja shëndetësore e yllit të popit është përmirësuar ndjeshëm. Ajo u dërgua në shtëpinë e saj në Nju Jork, me ambulancë private dhe siç tha një burim nga mjedisi i saj për CNN: Mjekët janë në një ngërç.
Deri më tani askush nuk e ka zbuluar se çfarë e shkaktoi infektimin e saj, por mjekët e vlerësuan gjendjen e saj të rëndë, duke e transferuar në reanimacion për trajtimin e duhur.
Madonna discharged from hospital after serious bacterial infection https://t.co/HigRNvMMvB
— Dr Alan Bullion (@alanbullion2) June 29, 2023
Menaxherët e Madonna kanë thirrur së fundmi një takim urgjent në Zoom për të menaxhuar situatën e krijuar, me infeksionin e rëndë bakterial që e ka çuar “Mbretëreshën e Popit” në terapi intensive.
Sipas Daily Mail, disa nga bashkëpunëtorët e saj të vjetër, shprehën shqetësimin kur mësuan se Madonna u gjet pa ndjenja në rezidencën e saj në Nju Jork dhe më pas u shtrua në ICU, ku u intubua gjatë natës. Përballë premierës së ardhshme të turneut të shumëpritur të 40-vjetorit në Vankuver më 15 korrik, grupi mori vendimin e vështirë për të shtyrë turneun për t’i dhënë përparësi rimëkëmbjes së këngëtares.
Situata e rëndë i la të gjithë të pasigurt për rezultatin, pasi sëmundja e Madonës ishte e rëndë, duke shkaktuar frikë për më të keqen. Miqtë dhe bashkëpunëtorët e ngushtë, të cilët e njihnin prej vitesh, kuptohej se ishin të mërzitur. Duke marrë parasysh afërsinë e turneut dhe mundësinë e një periudhe rikuperimi të zgjatur, grupi filloi menjëherë planet për të shtyrë turneun në mënyrë që të zvogëlonte presionin mbi Madonen, edhe nëse ajo po shërohej shpejt.
Ndërkohë vajza e Madonës, Lourdes Leon, ishte në Paris për të marrë pjesë në një festë kur mori lajmin për gjendjen e nënës së saj. Ajo u kthye dhe më vonë postoi një foto në Instagram duke promovuar produktet e një kompanie, duke i bërë fansat të spekulojnë se këngëtarja po përmirësohet.
Problemi me shëndetin e Madonnës u njoftua publikisht nga menaxheri i saj, Guy Oseary, i cili siguroi fansat se ajo pritet të shërohet plotësisht, por do të mbetet nën kujdesin mjekësor. Fillimi i turneut, për të cilin Madonna po bënte prova prej muajsh, duhej shtyrë për një kohë të pacaktuar. Oseary premtoi të japë më shumë detaje mbi koncertet e riplanifikuara dhe datën e re të fillimit pasi ato të bëhen të disponueshme.
Deri tani, Madonna raportohet se është jashtë ICU dhe është në shërim. Megjithatë, fëmijët e saj nuk kanë bërë asnjë deklaratë publike lidhur me gjendjen e saj.
