Një oligark rus i cili është sanksionuar nga SHBA-ja, ka akuzuar Shtetet e Bashkuara për vjedhjen e 5.4 milionë dollarë të aseteve të tij.
Konstantin Malofeyev tha se do të ngrejë padi ndaj SHBA-ve për vjedhje.
Prokurorët amerikanë mund të konfiskojnë 5.4 milionë dollarë që i përkasin Malofeyev, një gjykatës në Nju Jork vendosi javën e kaluar, duke hapur rrugën që fondet të përdoren potencialisht për të ndihmuar në rindërtimin e Ukrainës.
Ky ishte vendimi i parë për të sekuestruar asetet e një oligarku rus që kur Departamenti i Drejtësisë i SHBA-së marsin e kaluar nisi një task forcë speciale që synonte të shtrëngonte aleatët financiarë të presidentit rus Vladimir Putin pas pushtimit të Ukrainës.
“Por një padi e tillë është e pamundur të ngrihet atje pasi nuk ka drejtësi në SHBA ,” shkroi ai në një postim në aplikacionin Telegram, duke shtuar se “asnjë nga investitorët e grabitur nuk mund të mbrojë të drejtat e tyre atje”.
Më tej ai ka shtuar se padia e tij në një gjykatë amerikane duhet të titullohet “Malofeev kundër SHBA”.
(BalkanWeb)
